قلبي ينبض متى اراد ولمن اراد وكيفما اراد

' منْ طوّل الغيبآت : عنده حبآيبَ : )

غمّض عيونك وأنا بغمّض عيوني ، ما ودي الناس تدري عن سوالفنا ! -

✿ هو كذا طبع المحبة والمحبين اسهر لعينهه وعينهه غافيهه ،

' ٱنا وحبيبي ؛ كل ايامنآ عيد مره يجيب العيد ومره آجيبهہ

شمس المراجل على ماقيل وهاجه

واهل الوفا تاخذ الحاجه وتعطيها

واليا نصاها عريب الجد في حاجه

تضيق فيها الوسيعه لين تقضيها

من لا يبيني مالي في قربه لزوم

وعيني على غيابه ترى ماصاحته

ماجبرت احدن على وصلي يدوم

كلن على ماقيل ياخذ راحته

صدور الاصحاب للاصحاب منشرحه

شرهاتها ماتغث صدورها الرحبه

اللي يقف معاك عند الحزن والفرحه

هذا هو الصاحب وهذي هي الصحبه

هات القلم ياخوي في خاطري بوح

ودي اترجم لي طواري وهوجاس

واخذ من الابيات سجه مع الروح

في معزل مافيه مايزعج الراس

هذي ثمان سنين والقلب مجروح

والفكر شارد والمعاليق يباس

الحر ماينفع بليا مخاليب
والعقل للرجال زينه وهيبه
بعض المنابت بالمراجل عذاريب
وبعض المنابت للمراجل خصيبه
رجل يبي طاريه عند الاشانيب
ورجل يبي طاريه عند الحبيبه
ورجل يودي بالسواليف ويجيب
ورجل سواليفه لفعله تجيبه
ورجل يغض الطرف عن جارة صحيب
ورجل عيونه في محارم صحيبه
ورجل يغيب ويفقدونه هل الطيب
ورجل ليا من غاب ماحد دري به
ورجل تشوف مخوته لك مكاسيب
ورجل تشوف مخوته لك غليبه
ورجل اذا اخطى يرى نفسه مصيب
ورجل اذا اخطى يراها مصيبه